MELAO YA KGOROTSHEKO YA MOLAOTHEO
Moahlodimogolo wa Afrika-Borwa, ka tlase ga karolo 171 ya Molaotheo wa Afrika-Borwa, 1996, le karolo 16 ya Molaotlaleletšo wa Kgorotsheko ya Molaotheo, 1995 (Molao wa 13 wa 1995) ka moo o fetotšwego, o beile melao yeo e lego ka gare ga Koketšo yekhwi go laola ditaba tše di amanago le ditshepedišo tša, le pele ga Kgorotsheko ya Molaotheo gore e thome go šoma ka la 29 Mei 1998.
KOKETŠO
KAROGANTŠHO YA MELAO
Melao ye e arogantšwe ka tsela ye e latelago:
Molao Ditlhalošišo (Molao wa 1)
Karolo 1 Kgorotsheko (Molao wa 2)
Karolo III Sekopantšhi sa mekgatlo ya Mmušo (Molao wa 5)
Karolo IV Makgotla (Molao wa 6 –9)
Karolo V Mogwera wa Kgorotsheko (Molao wa 10)
Karolo VI Dikgopelo (Molao wa 11 – 13)
Karolo VII Ditaba tše di lego ka tlase ga taolo ya kgorotsheko Molao wa 14 -17
Karolo VIII Phihlelelotebanyi le maipiletšo (Molao wa 18 – 21)
Karolo IX Ditefo le ditshenyegelo (Molao wa 22 – 23)
Karolo X Dipeakanyetšo tša kakaretšo (Molao wa 24 –37)
DIKAGARE
Nomoro ya Molao Tlhaloso
Ditlhalošišo
Kgorotsheko
Diiri tša ofisi tša ngwadišo
Tirelo ya tshepetšo
Kemelo ya diphathi/mekgatlo
Phetošo ya diphathi
Poelanyo ya diphathi ka ditshepedišong
Maatla a ramolao goba tumelelo ya go tšea kgato
Bagwera ba Kgorotsheko
Tshepedišo ya tšhomišo
Dikgopelo tša ka bjako
Lebaka
Molaokakanywa wo o fetišetšwago pele
Tiišetšo ya taelo ye e se nago maatla molaotheong
Kamogelo ya Molaotheo wa Profense
Maipiletšo
Tšhedišo ya ditshenyegelo le ditefo tša boramolao
Ditefo tša kgorotsheko
Bokgobapuku
Diphetolelo
Phumolo ya melato
Tšhomišo ya melao ye e itšego ya Melaotshwano
Tšhomišo ya dikarolo tše dingwe tša Molao wa Kgorokgolo ya tsheko, 1959 (Molao wa 59 wa 1959)
Dingwalwa tše di hlagišitšwego go nyaka didirišwa tša nnete
Go se obamele melao
Phethagatšo:Karolo 3 ya Molaotlaleletši wa Kgorotsheko ya Molaotheo 1995 (Molao wa 13 wa 1995)
Dipeakanyetšo tša phetošo
Phedišo ya melao
Dithulano gare ga dingwalwa
Thaetlelekopana
TATELANO YA ALFABETE
Nomoro ya Molao Sererwa
Bagwera ba kgorotsheko
Maipiletšo/Dikgopelo
Tšhomišo ya melao ye mengwe ya Melaotshwano
Tšhomišo ya dikarolo tše dingwe tša Molao wa Kgorokgolo ya Tsheko, 1959 (Molao wa 59 wa 1959)
Tshepedišo ya tšhomišo
Lebaka
Phetolo ya diphathi
Thulano gare ga dingwalwa
Kgorotsheko
Kamogelo ya Molaotheo wa Profense
Tiišetšo ya taelo ye e se nago maatla molaotheong
Ditlhalošišo
Dingwalwa tše di hlagišitšwego go nyaka didirišwa tša nnete
Phethagatšo:Karolo ya 3 ya Molaotlaleletši wa Kgorotsheko ya Molaotheo
Ditefo tša kgorotsheko
Poelanyo ya diphathi mo ditshepedišong
Bokgobapuku
Go se obamele melao
Maatla a ramolao goba tumelelo ya go tšea kgato
Tshepedišo ya boipiletšo
Phedišo ya melao
Molaokakanywa wo o fetišeditšwego pele
Diiri tša ofisi tša rejistrara
Kemelo ya diphathi
Tirelo ya tshepetšo
Thaetlelekopana
Tšhedišo ya ditshenyegelo le ditefo tša boramolao
Dipeakanyetšo tša phetišetšo
Diphetolelo
Dikgopelo tša ka pela
Phumolo ya melato
Ditlhalošišo
Mo melaong yekhwi lentšu lefe le le lefe goba tlhaloso yeo e filwego tlhathollo ka go Molaotheo e tla rwala tlhathollo yeo le, ge e se fela ge kamano e šupa ka tsela ye nngwe –
Afidabiti' e akaretša tiišetšo goba boipolelo bjo bo akantšwego ka go karolo 7 ya Molao wa Ratoka le Moeniši, wa 1963 (Molao wa 16 wa 1963);
kgopela' e ra go kgopela mabapi le tsebišo ya tšhišinyo, gomme , 'kgopelo' e na le tlhathollo ya go swana;
Moahlodimogolo' e ra Moahlodi yo mogolo wa Afrika-Borwa yo a beilwego go ya ka dipeelano tša karolo 174 ya Molaotheo;
Molaotheo' e ra Molaotheo wa Repabliki ya Afrika-Borwa, 1996;
Kgorotsheko' e ra Kgorotsheko ya Molaotheo ye e hlomilwego go ya ka karolo 166(a) ya Molaotheo, ge e balwa le temana 16 (a) ya Šetulo 6 go Molaotheo;
Letšatši la Kgorotsheko' e ra letšatši le lengwe le le lengwe ka ntle le Mokibelo, Lamorena goba letšatši la maikhutšo la setšhaba, gomme ke matšatši a kgorotsheko fela ao a tlogo balelwa ka go nako efe le efe ye e tšweletšwago ka matšatši ao a beilwego ke melao ye goba a beilwe ke taelo efe le efe ya Kgorotsheko;
Motlatšamoahlodimogolo' e ra letsogo la moahlodimogolo yo a beilwego go ya ka karolo 174 ya Molaotheo;
ditaelo' di ra ditaelo tšeo di filwego ke moahlodi mabapi le ditshepedišo tšeo di swanetšego go latelwa mo tshepedišong goba tshekong ya melato;
moahlodi' e ra moahlodi goba moahlodi wa motšwaoswere yo a beilwego go ya ka karolo 174 goba 175 ya Molaotheo tulong ye e itšego go ena le go kgorotsheko ya mehleng;
Kliniki ya molao' e ra lefelo la thutotirišo ya semolao ya baithuti ka go lekala la molao la yunibesithi ka go Repabliki, gomme e tsenya gare lefelo la molao leo le laolwago ke mokgatlo wo o sa šomelego lešokotšo woo o fago setšhaba ditirelo tša semolao ka ntle le tefo gomme o tiišeditšwe bjalo ka ge go akantšwe ka go karolo 3 (f) ya Molao wa Boramolao, 1970 (Molao wa 53 wa 1979)
Moemedi wa semolao' e ra mmoleledi yo a amogetšwego go ya ka dipeelano tša karolo ya 3 ya Molao wa Kamogelo ya Baboleledi, 1964 (Molao wa 74 wa 1964), goba ramolao yo a amogetšwego go ya ka dipeelano tša karolo ya 15 ya Molao wa boramolao wa 1979 (Molao wa 53 wa 1979).
phathi' goba tšhupetšo efe le efe go ramelato e akaretša moemedi wa semolao yo a tšwelelago legatong la phathi, go ya ka moo kamano e nyakago.
Rejistrara' e ra Rejistrara ya kgorotsheko gomme e akaretša le rejistrara ya motšwaoswere goba mothušarejistrara wa Kgorotsheko goba ge ba se gona motho yo mongwe le yo mongwe yo a beilwego ke Moloaodi wa Kgorotsheko.
motsetelakgoro' e ra motho yo a beilwego go ya ka dipeelano tša karolo ya 2 ya Molao wa Batsetelakgoro wa 1986, (Molao wa 90 wa 1986), gomme e akaretša motho yo a beilwego go ya ka dipeelano tša karolo ya 5 goba karolo ya 6 ya Molao woo bjalo ka motšwaoswere goba letsogo la motsetelakgoro, ka tatelano, le motsetelakgoro. Motsetelakgoro wa motšwaopswere, letsogo la Motsetelakgoro yo a beilwego go ya ka dipeelano tša molao wo mongwe le wo mongwe wo o sego wa phumolwa ka bolaodi bjo nago le maatla gomme o šomago pejanyana ga go thoma ga Molaotheo lefelong lefe le lefe leo le bopago karolo ya naga ya setšhaba;
Melao ya Kgorokgolo ya Tsheko ya Boipiletšo' e ra melao yeo e laolago tshwaro ya ditshepedišo tša Kgorokgolo ya Tsheko ya Boipiletšo ye e phatlaladitšwego ka tlase ga Tsebišo ya Mmušo No.R1523 ya 27 Nofemere 1998; mme
Melaotshwano' e ra melao yeo e laolago tshwaro ya ditshepedišo ka go dikarolo tše mmalwa tša profense le tša tikologo tša dikgorokgolo tša tsheko yeo e phatlaladitšwego ka tlase ga Tsebišo ya Mmušo No. R 48 ya 12 Janaware 1965, ka moo e fetotšwego.
Maatla afe le afe goba bolaodi bjo bo beilwego ka go Moahlodimogolo go ya ka dipeelano tša melao yekhwi bo ka dirišwa ke moahlodi goba moahlodi yo a kgethilwego ke Moahlodimogolo go dira modiro woo.
Tšhupetšo efe le efe mo melaong yekhwi go phathi yeo e swanetšego go saena dingwalwa/ditokumente e tla hlangwa bjalo ka ge e tsenya gare tšhupetšo go moemedi wa semolao yoo a emelago phathi yeo, tšhupetšo mabapi le go hlagiša ditokumente pele ga Rejistrara bjalo ka ge e tsenya gare tlhagišo ya pejana go Rejistrara ya ditokumernte tše bjalo go diphathi tše dingwe le tlhagišo ya dikopi tše 25 tša ditokumente ka moka tše maleba le tše di lego sebopegong sa elektroniki tšeo di nyalelanago le ditlabelo software tše di šomišwago ke Kgorotsheko.
Ditsebišo, ditaelo goba dikgokagano tše dingwe go ya ka dipeelano tša melao yekhwi, di ka no fiwa goba tša romelwa ka poso ye e rejistarilwego goba ka fekse, goba kopi efe le efe ya elektroniki. Ge fela e le gore tsebišo goba kgokagano ye e filwego ka elektroniki, phathi yeo e fago tsebišo ye bjalo goba kgokagano, e tla re ntle le tikatiko ya hlagiša kopi ye e gatišitšwego ya tsebišo goba kgokagano ye bjalo go Rejistrara, gammogo le setifikeiti se se saenilwego ke phathi ye bjalo e kgonthiša tšatšikgwedi la kgokagano ye bjalo goba tsebišo.
Moahlodimogolo a ka no oketša nako ye e lekantšwego ye e beilwego ke melao yekhwi.
Mabaka a a ngwadilwego, maikarabelo le maipobolo a mangwe ka go Kgorotsheko a swanetše go kwagala le gona a nepagale.
Dikgopelo di swanetše go balega le gona di tlanywe ka fomate ya dikgobanapedi godimo ga pampiri ya bogolo bja A4.
Ka taolo ya molao wa 5, dipeakanyetšo tša molao wa 4 wa Melaotshwano di tla šoma ka diphetošo tše di ka nogo nyakega, mo go tirelo ya tshepetšo efe le efe ya Kgorotsheko.
KAROLO I
Kgorotsheko
Go tla ba le dipaka tše nne ngwageng wo mongwe le wo mongwe ka tsela ye e latelago:
Feberware go fihla go 31 Matšhe, ka kaparetšo;
Agostose go fihla go 30 Setemere, ka kaparetšo;
Molato o ka sekwa ka ntle ga paka ge Moahlodimogolo a laela bjalo.
Ge letšatši le beilwe la go thoma ga paka e se letšatši la Kgorotsheko, paka e tla thoma mo letšatšing le le latelago la Kgorotsheko, gomme, ge letšatši le le beetšwego mafelelo a paka e se letšatši la Kgorotsheko, gona paka e tla fela letšatši la pele ga la Kgorotsheko.
KAROLO II
Diiri tša ofisi tša Rejistrara
Ofisi ya Rejistrara e tla bulwa go tloga ka 8:30 go fihla ka 13:00 le go tloga ka 14:00 go fihla ka 15:00 matšatšing a Kgorotsheko.
Mo mabakeng ao e sego a mehleng, Rejistrara a ka amogela ditokumente mo nakong yeo e lego ka ntle ga diiri tša ofisi, gomme o tla dira bjalo ge a laetšwe ke moahlodi.
Tsebišo ya boipiletšo, taelo ya kgorotsheko ye e fetišetšago molato ofe le ofe go Kgorotsheko ke kgorotsheko ye nngwe, goba tokumente ye nngwe yeo ka yona ditshepedišo di thomišwago ka go Kgorotsheko go ya ka dipeelano tša melao yekhwi, e tla fiwa nomoro ke Rejistrara ka nomoro ye e hlatlamago ya ngwaga woo e faelwago ka wona.
Tokumente efe le efe yeo ka morago e hlagišwago molatong wo mobjalo goba molatong ofe le ofe wo o latelago gomme e le tšwetšopele ya wona, o tla swaywa ka nomoro yeo ke phathi yeo e o hlagišago gomme e ka se ke ya amogelwa ke Rejistrara go fihla e swaywa bjalo.
Ditokumernte ka moka tše di tlišitšwego go Rejistrara gore di faelwe molatong, di tla faelwa ke Rejistrara ka go faele ya molato ka tlase ga nomoro ya molato wo bjalo.
Ditokumente ka moka tše di ukangwego ka go molawana wa 1 di tla laolwa ke tefo ya ditefo tša kgorotsheko tša R75,00 di le sebopegong sa setempe sa ditseno. Ge e se fela ge, phathi e kgotsofatša Rejistrara go ya ka dipeelano tša molawana 5 wa gore yena o a diila, tefo ya ditefo tša kgorotsheko e tla gafelwa ka thoko ke Rejistrara yoo a tlogo ngwalwa tlhaloso ye bjalo ka godimo ga tokumente ye go bolelwago ka yona.
Phathi yeo e nyakago go thomiša goba go ganana le ditshepedišo ka go Kgorotsheko gomme a akanyago gore o a diila goba mang le mang legatong la phathi ye bjalo, o tlamegile go kgotsofatša Rejistrara gore ka ntle le dithoto tša ka lapeng, diaparo le didirišwa tša mošomo, phathi ye bjalo ga e na le dithoto tša boleng bja R20 000 gomme e ka se kgone mo nakong ye e bonalago go tšweletša seroto se bjalo goba meputso ya gagwe.
Moo go dirwago difotokopi, ditefo tšeo di beilwego ka go molawana wa 6a di tlamegile go lefša. Dikopi tša rekoto di ka dirwa ke motho yo mongwe le yo mongwe pele ga Rejistrara.
a Ka kgopelo ya phathi Rejistrara a ka dira kopi ya tokumente efe le efe ya Kgorotsheko ge go lefša ditefo tša kgorotsheko ka setempe sa ditseno sa R0.50 mo go fotokopi ye nngwe le ye nngwe ya letlakala la bogolo bja A4 goba karolo ya lona gomme ka tefo ya R1.00 o tla tiišetša gore fotokopi yeo ke kopi ya nnete ya kopi ya mathomo.
b Tefo ya ditefo tša kgorotsheko e ka gafelwa ka thoko ke Rejistrara mo go motho yo a diilago yo a ukangwego ka go 4 le 5.
Neng le neng ge Kgorotsheko e dira taelo ye e begago goba e tiišetšago gore molao ofe le ofe goba peakanyetšo ya wona ga e sepelelane le Molaotheo ka tlase ga karolo 172 ya Molaotheo, Rejistrara pele ga matšatši a 15 morago ga ge taelo e dirilwe, o tla bona gore taelo ye bjalo e phatlalatšwa ka gare ga Kuranta ya Mmušo le ka go kuranta ya mmušo ya profense yeo e amegago ge e le gore taelo yeo e amana le melao ya profense.
Rejistrara o tla phatlalatša lenaneo la tsheko, leo le tlogo bewa mo go boto ya ditsebišo mo moagong wa kgorotsheko matšatši a a sego ka fase ga a 15 pele ga paka ye nngwe le ye nngwe go thuša baemedi ba molao le go sedimoša setšhaba.
Ditaetšo malebana le tshepedišo efe le efe di tla fiwa diphathi tše di amegago ke Rejistrara gare ga matšatši a mahlano morago ga ge ditaetšo tše bjalo di se no fiwa.
a Rejistrara o tla hlokomela direkoto tša Kgorotsheko gomme a ka se dumelele gore go be le e tee ya tšona yeo e tlošwago ka go moago wa kgorotsheko.
b Tokumente ye nngwe le ye nngwe ye e filwego Rejistrara gomme e dirilwe karolo ya direkoto tša Kgorotsheko ka fao e ka se tlošwe sa ruri go difaele tša semmušo tša kgorotsheko.
c Morago ga ditshepedišo ka go Kgorotsheko, direkoto dife le dife tša mathomo le dipampiri tšeo di hlagišitšwego ka go Kgorotsheko ke kgorotsheko efe le efe, di tla bušetšwa go kgorotsheko yeo di amogetšwego go tšwa go yona.
a Ge go ka bonala go Rejistrara gore phathi tsoko ga se ya emelwa gona o tla romela ka bjako phathi yeo go kantoro ya kgauswi ya Khomišene ya Ditokelo tša Boto, Boto ya Thušo ya tša Molao, kliniki ya tša molao, goba go mokgatlo ofe le ofe wa maleba goba setheo seo se ka ikemišetšago mme se le maemong a go ka thuša phathi ye bjalo.
b Mmušo goba Rejistrara a ka se ikarabele go tshenyego goba tahlego ye e hlotšwego ke thušo ya botho ya Rejistrara go phathi ye bjalo mo ditshepedišong tše di lego pele ga kgoro goba mo tšhomišong ya taelo go ya ka dipeelano tša melao yekhwi mo sebopegong sa keletšo ya semolao goba mo go hlangweng goba tokišetšong ya tshepetšo efe le e fe goba tokumente.
KAROLO III
SEKOPANTŠHI SA MEKGATLO YA MMUŠO
Tirelo ya tshepetšo
Mo tabeng efe le efe, go tsenywa gare boipiletšo bofe le bofe, moo go nago le ngangišano ka ga bomolaotheo bja tiro efe le efe ya phethišo goba ya taolo goba boitshwaro goba tiro ye e tšhošetšwago ya phethišo goba ya taolo goba boitshwaro goba ka go nyakišišo efe le efe ka ga bomolaotheo bja molao ofe le ofe, go akaretšwa le Molao ofe le ofe wa Palamente goba wa Theramelao ya Profense, le bolaodi bjo bo ikarabelago mo go phethišo goba taolo ya tiro goba boitshwaro goba tšhošetšo ya bjona goba mo taolong ya molao wo bjalo, ga se ya šupša bjalo ka phathi go molato, phathi yeo e hlohlago bomolaotheo bja tiro ye bjalo goba boitshwaro goba molao, mo matšatšing a mahlano a go hlagiša pele ga Rejistrara tokumente yeo ka go yona twantšho ye bjalo e tšweletšwago la mathomo mo tshepedišong ye e lego pele ga Kgorotsheko. E tla tšea dikgato go ikamanya le bolaodi bjo bo hlobaelago bjalo ka phathi go ditshepedišo. Go taelo yeo e tlogo dirwa ke Kgorotsheko yeo e begago gore tiro ye bjalo goba boitshwaro goba molao ga o molaotheong mabapi le molato wo mobjalo ka ntle le ge dipeakanyetšo tša molao wo di obametšwe.
KAROLO I
Kemelo ya Diphathi
Ka ntle le moo Kgorotsheko goba Moahlodimogolo a laetšego ka tsela ye nngwe, ga go na le motho yoo a tlogo dumelelwa go tšwelela legatong la phethi efe le efe mo ditshepedišong dife le dife tša Kgorotsheko ge e se fela ge a na le tokelo ya go tšwelela ka go dikgorokgolo tša tsheko.
Phetošo ya diphathi
Ge phathi e hlokofala goba e se sa ba le bokgoni bja go tšwela pele mo tshepedišong efe le efe, ditshepedišo di tla emišwa ka lona lebaka leo go fihlela nakong ya ge moemedi yo a nago le maatla goba motho yo mongwe yo a nago le makgoni a beilwe maemong a phathi ye bjalo goba go fihla ge bofokodi bjoo bo se sa le gona.
Moo motho yo a filwego maatla goba motho yo mongwe wa makgoni a beilwe, Kgorotsheko e ka laela , ge go na le kgopelo, gore motho yoo a dumeletšwego goba a nago le bokgoni a tšee maemo a phathi yeo e hlokofetšego goba e se sa kgona go šoma.
Poelanyo ya diphathi ka tshepedišsong
Motho yo mongwe le yo mongwe yo a nago le tshwanelo ya go tsena bjalo ka phathi, goba go nago le kgonagalo ya gore a ka tsenelwa bjalo ka phathi ka go ditshepedišo, ka go tsebiša diphathi tše dingwe ka moka, a ka kgopela legatong lefe le lefe la ditshepedišo tumelelo ya go boelanya bjalo ka phathi. Kgorotsheko goba Moahlodimogolo a ka fa taelo ge a se no hwetša kgopelo ye bjalo, yeo e akaretšago le taelo efe le efe mabapi le ditshenyegelo, gomme a fa ditaelo mabapi le ditshepedišo tše di tšwelelago ka go ditshepedišo go ya ka moo go ka nyakegago.
Maatla a ramolao goba tumelelo ya go tšea kgato.
Ga go nyakege gore maatla a ramolao a faelwe, bolaodi bja modirišamolao go šoma legatong la phathi efe le efe a ka no re , gareng ga matšatši a 21 morago ga ge phathi efe le efe e lemogile sekhwi, modirišamolao a se no dira bjalo, goba ka tumelelo ya Kgorotsheko ka baka la lebaka le le kwalago le laeditšwego nakong efe le efe pejana ga kahlolo, e ganwe ka tsebišo, mme morago ga moo modirišamolao a ka se sa kgonago go tšea kgato ka tsela yeo, ka ntle le ge maatla a ramolao a hlagišitšwe go Rejistrara gareng ga matšatši a 21 a tsebišo yeo.
Maatla afe le afe a ramolao goba tumelelo go kgatha tema ye e hlagišitšwego e tla saenwa ke, goba legatong la phathi yeo e e fago, gomme ge go se bjalo, e tla phethagatšwa ka tshwanelo go ya ka molao.
Ga go maatla a ramolao goba tumelelo ya go kgatha tema ye e tlogo nyakega go hlagišwa ke mang le mang yo a kgathago tema legatong la Mmušo.
KAROLO
Bagwera ba Kgorotsheko
Ka taolo ya melao ye, motho mang le mang yo a nago le kgahlego molatong ofe le ofe wo o lego pele ga Kgorotsheko, ka tumelelo ye e ngwadilwego ya diphathi ka moka mo molatong wo o lego pele ga kgorotsheko, a ka no amogelwa, e sego ka morago ga nako ye e beilwego ka go molawana wa 5, ka moo bjalo ka mogwera wa kgorotsheko go ya ka dipeelano le mabaka le ka ditokelo le ditshwanelo tšeo di ka nogo kwanelwa ka go ngwala le diphathi ka moka tše di lego pele ga kgorotsheko goba bjalo ka ge go ka laela Moahlodimogolo go ya ka dipeelano tša molawana wa 3.
Tumelelo ye e ngwadilwego ye e ukangwago ka go molawana wa 1 gareng ga matšatši a mahlano a ge e se no hwetšwa, e tla hlagišwa pele ga Rejistrara gomme mogwera wa kgorotsheko, godimo ga peakanyetšo efe le e fe, o tla obamela nako yeo e kwanetšwego ya go hlagiša lebaka le le ngwadilwego.
Moahlodimogolo a ka no fetoša dipeelano, mabaka, ditokelo le ditshwanelo tše di kwanetšwego go ya ka moo go ukangwego ka go molawana wa 1.
Ge tumelelo ye e ngwadilwego ye e ukangwego ka go molawana wa 1 e se be ya hwetšwa, motho ofe le ofe yo a nago le kgahlego mo molatong ofe le ofe wo o lego pele ga Kgorotsheko a ka kgopela go Moahlodimogolo gore a amogelwe ka moo bjalo ka mogwera wa kgorotsheko, gomme Moahlodimogolo a ka fa tumelelo yeo go ya ka dipeelano le mabaka le ka ditokelo le ditshwanelo tšeo a ka nago go di beakanya.
Ge ditekanyetšo tša nako di se tša bewa ka tsela ye nngwe mo go ditaelo tše di filwego molatong woo kgopelo ye e latelago dipeakanyetšo tša molawana wa 4 e tla dirwa e sego ka morago ga matšatši a mahlano morago ga tšweletšo ya ditlhagišo tše di ngwadilwego tša moiphemedi goba morago ga ge nako ya tšweletša ditlhagišo tše bjalo e fetile.
Kgopelo ya go amogelwa bjalo ka mogwera wa kgorotsheko e tla, a hlalosa ka boripana kgahlego ya mogwera wa kgorotsheko malebana le ditshepedišo;
b hlaola ka boripana maemo ao a tlogo tšewa ke mogwera wa kgorotsheko ka go ditshepedišo; le c go beakanya ditlhagišo tšeo di tlogo tšweletšwa ke mogwera wa kgorotsheko, maswanedi a tšona mo go ditshepedišo le mabaka a gagwe a go kgolwa gore ditlhagišo di tla ba le mohola go Kgorotsheko gommme tša fapana le tša diphathi tše dingwe.
Mogwera ofe le ofe wa kgorotsheko o tla ba le tokelo ya go tšweletša lebaka le le ngwadilwego, ge fela lebaka le le bjalo la go ngwalwa, le sa boeletše taba efe le efe yeo e tšweleditšwego ka go lebaka la diphathi tše dingwe gomme le hlagiša dikgopolo tše dingwe tše di ka bago mohola go Kgorotsheko.
Ka taolo ya dipeakanyetšo tša molao wa 31, mogwera wa kgorotsheko o tla lekanyetšwa fela go direkoto tša boipiletšo goba tšhupetšo le dintlha tšeo di hweditšwego di amogetšwego ka go ditshepedišo tše dingwe gomme a ka se tlaleletše go tšona le gona a ka se dumelelwe go tšweletša lebaka ka molomo.
Taelo ye e fago tumelelo ya go amogelwa bjalo ka mogwera wa kgorotsheko e tla laetša tšatšikgwedi la tšweletšo ya lebaka le le ngwadilwego la mogwera wa kgorotsheko goba taba efe le efe ya maswanedi.
Taelo ya Kgorotsheko ye e šomanago le ditshenyegelo e ka no fa peakanyetšo ya tefo ya ditshenyegelo ke goba ka lebaka la go tsena gare ga mogwera wa kgorotsheko.
Peakanyetšo ya molao wa 13 e tla šoma, ka diphetošo tšeo di ka nogo nyakega go mogwera wa kgorotsheko.
KAROLO VI
DIKGOPELO
Tshepedišo ya kgopelo
Ka ntle le ge go beakantšwe ka tsela ye nngwe, mo tabeng efe le efe moo kgopelo e nyakegago mabapi le mohola ofe le ofe, go akaretšwa -
a malebana le taba ye e ukangwego ka go karolo 1674 a ya Molaotheo, le b khwetšo ya ditaelo go tšwa go Kgorotsheko, kgopelo ye bjalo e tla tlišwa mo tsebišong ya tšhišinyo ye e thekgilwego ke afidabiti mabapi le dintlha tšeo mokgopedi a itshephilego tšona tša kimollo, gomme o tla tšweletša atrese [ka gare ga 25 kilometara go tloga kantorong ya Rejistrara] a hlagiša atrese ya madulo le atrese ya poso le dinomoro tša fekse, thelefomo le atrese ya e-mail, moo di lego gona, tšeo go tšona a tlogo amogela tsebišo le go tlišwa ga ditokumente ka moka ka go ditshepedišo gomme o tla bea letšatši, le le sego ka fase ga matšatši a mahlano morago ga ge di seno išwa go moiphemedi, leo ka lona goba pele ga lona moiphemedi a lebeletšwego go tsebiša mokgopedi ka go ngwala ge e le gore o ikemišeditše go ganetša kgopelo ye bjalo gomme o tla iša pele ka go bolela gape gore ge tsebišo ye bjalo e se ya fiwa, Rejistrara o tla kgopelwa go hlagiša taba ye pele ga Moahlodimogolo gore e šongwe go ya ka molawana wa 4.
Ge kimollo e kleimiwa kgahlano le motho mang le mang, bolaodi, mmušo, mokgatlo wa mmušo goba lekgotla, goba moo go nyakegago, goba go lebanego go fa ba ba badilwego ka godimo tsebišo ka ga kgopelo ye e ukamilwego ka go molawana wa 1, tsebišo ya tšhišinyo e tla lebišwa go, bobedi, Rejistrara le ba boletšwego ka godimo, gomme e tla ala dintlha ka botlalo, go akaretšwa atrese ya madulo, dinomoro tša fekse, thelefomo le atrese ya e-mail, ge di le gona, tša phathi yeo kimollo e nyakwago kgahlano le yona, tše di tlogo kgontšha Rejistrara go kgokagana le phathi ye bjalo, go sego bjalo e tla atresetšwa go Rejistrara gomme e tla ba kgauswikgauswi ka sebopego le Foromo 1 goba 2 go ya ka moo go ka bago ka gona.
a Motho ofe le ofe yo a ganetšanago le go fiwa ga taelo ye e nyakegago ka go tsebišo ya tšhišinyo o tla re -
i gareng ga nako yeo e filwego ka tsebišong yeo, a tsebiša mokgopedi le Rejistrara ka go ngwala mabapi le maikemišetšo a gagwe a go thulana le kgopelo gomme ka go yona tsebišo yeo o tla bea atrese ye e lego ka gare ga 25 kilometara go tloga kantorong ya Rejistrara yeo go yona a tlogo amogela tsebišo le go tlišwa ga ditokumente ka go tshepedišo;
ii gareng ga matšatši 15 a go tsebiša mokgopedi ka ga maikemišetšo a gagwe a go ganetša kgopelo, o tla hlagiša afidabiti ya gagwe ya karabo, ge e le gona, gammogo le ditokumente tša maswanedi, tšeo di ka akaretšago diafidabiti tše di thekgago.
b Mokgopedi a ka hlagiša afidabiti ya karabo gareng ga matšatši a 10 ge a seno fiwa afidabiti le ditokumente tše di ukangwego ka go temana ya a ii
(i) Moo go sego gwa fiwa tsebišo ya kganetšo goba moo go se nago le afidabiti ya karabo go ya ka temana (a) (i) gareng ga nako ye e ukangwego ka go temana (a) (ii), Rejistrara o tla bea kgopelo pele ga Moahlodimogolo gareng ga matšatši a mahlano a go fela ga yona.
ii Ge afidabiti ya karabo e hlagišwa, Rejistrara o tla bea kgopelo pele ga Moahlodimogolo gareng ga matšatši a mahlano a tlhagišo ya afidabiti ya karabo goba, ge go se gwa hlagišwa afidabiti ya karabo, gareng ga matšatši a mahlano a go fela ga nako ye e boletšwego ka go temana b.
d Moahlodimogolo ge a efa ditaelo ka tlase ga molawana wa 4 a ka no dumelela go hlagišwa ga diafidabiti tše dingwe.
Ge kgopelo e beilwe pele ga Moahlodimogolo go ya ka molawana wa 3 ©, o tla fa ditaelo malebana le ka moo kgopelo e swanetšego go šongwa ka gona, kudukudu, ge e le gore e tla beakanyetšwa go theeletšwa goba ge e le gore e tla šongwa go ya ka lebaka le le ngwadilwego goba ka kakaretšo go ya ka tshedimošo ye e lego ka go diafidabiti.
Dikgopelo tša tšhoganetšo
Mo go dikgopelo tša tšhoganetšo Moahlodimogolo a ka no se diriše diforomo le tirelo yeo e filwego ka go melao yekhwi, gomme a ka no fa ditaelo tša gore taba ye e šongwe ka nako le tsela ye e lego gore le go ya ka tshepedišo, yeo ka moo go ka kgonegago, e swanetšego go sepelelana le melao yekhwi, go ya ka mo go ka lebanago.
Kgopelo go ya ka molawana wa 1 ka tsebišo ya tšhišinyo e tla pataganywa le afidabiti yeo e beakanyago ka nepagalo mabaka ao a dirago gore go se dirišwe ditshepedišo tša mehleng.
Lebaka
Mabaka a a ngwadilwego a tla faelwa ka nako. A tla ba le dikagare, le lenaneo la ditsebi go bile go na le ditšhupetšo tša matlakala ka go tokumente moo go tsopotšwego go ona.
Mabaka a molomo a ka se dumelelwe ge Moahlodimogolo a file ditaelo tše bjalo.
a Mabaka a molomo a tla ba maswanedi go ditaba tše di lego pele ga Kgorotsheko gomme paka ya yona e tla laolwa ke ditekanyetšo tša nako tšeo di kago bewa ke Moahlodimogolo.
b Diphathi di tla tšea gore baahlodi ka moka ba badile mabaka a a ngwadilwego le gore ga go nyakege gore go boeletšwe se se ngwadilwego ka go ona.
a Lebaka le lebišwa go Kgorotsheko ka leleme la semmušo gomme phathi ye e amegago e ka se be le boikarabelo bja go hwetša toloki.
b Ge motho a ka rata go bolela le Kgorotsheko ka leleme la semmušo go ena le lengwe motho yo bjalo a ngwadilego lebaka la gagwe ka lona, motho yo bjalo, bonnyane, o tla fa Rejistrara tsebišo ye e ngwadilwego matšatši a šupago pele ga theeletšo ya molato wo ukangwago mabapi le maikišemišetšo a gagwe a go diriša leleme le lengwe la semmušo gomme o tla laetša gore leleme leo ke lefe.
Ka tšhišinyo ya Kgorotsheko ka noši goba ka kgopelo ya phathi e tee goba go feta, Kgorotsheko e ka laela gore melato ye mebedi goba go feta, ye e amago se se bonalago se swana, goba dipotšišo tše di tswalanego, di sekwe mmogo bjalo ka molato o tee goba mo dipeelano tšeo di ka nogo bewa.
KAROLO VII
DITABA TŠE DI AMAGO FELA MAATLATAOLOTOKA A KGOROTSHEKO
Phetišetšo ya Molaokakanywa
Phetišetšo ya molaokakanywa go ya ka dipeelano tša karolo 794 b ya Molaotheo ke Mopresidente wa Repabliki ya Afrika-Borwa goba ke Tonakgolo ya profense, go ya ka moo mabaka a ka bago ka gona, e tla dirwa ka go ngwalwa gomme e tla lebišwa go Rejistrara le go Spikara sa Kgobokano ya Setšhaba le go Modulasetulo wa Khansele ya Setšhaba ya Diprofense, goba go Spikara sa Therameloa ya Profense, go ya ka mo mabaka a lego ka gona.
Phetišetšo ye bjalo e tla šupa -
a peakanyetšo goba dipeakanyetšo tša Molaokakanywa tšeo Mopresidente wa Repabliki ya Afrika-Borwa goba Tonakgolo ya profense a nago le dikgokgono ka tšona;
b peakanyetšo ya molaotheo goba dipeakanyetšo tše di amago dikgokgono tše bjalo; le c maitsetsepelo goba mabaka a dikgokgono tše bjalo.
Diphathi tša dipolitiki tše di emetšwego ka go Palamente ya setšhaba goba ka go Theramelao ya Profense ye e angwago, go ya ka moo go ka bago ka gona, di tla ba le tshwanelo ya tokelo ya go tšweletša ditlhagišo tše di ngwadilwego tše di nago le maswanedi a go senka taba gare ga nako ye e beilwego ka go ditaelo tše di lego ka go molawana wa 4.
Ge phetišetšo e seno amogelwa, taba ye e tla šongwa go ya ka ditaelo tše di filwego ke Moahlodimogolo, tšeo di ka akaretšago taelo ye e –
a amago Spikara se se lebanego goba Modulasetulo wa Khansele ya Setšhaba ya Diprofense, go ya ka moo go ka bago ka gona, go fa tshedimošotlaleletšo yeo Moahlodimogolo a kago bona e le maleba goba e swanetšego go šomana le taba ye; le b bitšago diphathi ka moka tša dipolitiki tše di nago le kgahlego ka go Palamente ya Setšhaba goba Theramelao ya Profense ye e angwago, go ya ka mo go ka bago ka gona, bao ba ka ratago go dira bjalo, go dira gore ditlhagišo tše di ngwadilwego gore e be tša maswanedi mo go senkweng ga taba ka gare ga paka yeo e beilwego ka go ditaelo tše bjalo.
Kgopelo go ya ka dipeelano tša dikarolo 801 le 1221 tša Molaotheo, ka maloko a Kgobokano goba theramelao ya profense e tla tlišwa ka tsebišo ya tšhišinyo ye e thekgwago ke afidabiti mabapi le kgopolo yeo mokgopedi a itshepilego yona ya kimollo gomme e tla tšweletšwa go Rejistrara gomme ya fetišetšwa go Spikara sa Kgobokano ya Setšhaba, gomme mo go lebanego, le go Modulasetulo wa Khansele ya Setšhaba ya Diprofense goba ya fiwa Spikara sa Theramelao ya Profense ye e amegago, go ya ka moo mabaka a lego ka gona.
Tsebišo e tla kgopela Spikara, ge go lebane, le Modulasetulo wa Khansele ya Setšhaba ya Diprofense, go lemoša taba diphathi ka moka tša dipolitiki tše di emetšwego ka nywakong yeo e lebanego goba theramelao ka go ngwala gareng ga matšatši a mahlano a go tlišwa go yena ga kgopelo ye.
Kgopelo ye e ukangwego ka go molawana wa 1 e tla pataganywa le setifikeiti ke Spikara sa theramelao yeo e amegago gore dinyakwa tša karolo ya 80 2 a goba karolo ya 1222 ya Molaotheo, go ya ka moo mabaka a ka bago ka gona, e kgotsofaditšwe.
Kgopelo ye e ukangwego ka go molawana wa 1 le yona e tla šupa –
a peakanyetšo goba dipeakanyetšo tša Molao tšeo di ganwago;
b peakanyetšo goba dipeakanyetšo tše maleba tša Molaotheo tšeo go ipotilwego tšona mabapi le kganano ye;
c maitsetsepelo ao godimo ga ona dipeakanyetšo tše di latelanago di tšewago gore di thulanong; le d kimollo, go akaretšwa kimollo ya sebakanyana ye e nyakwago.
a Phathi efe le efe ya dipolitiki ka go theramelao ye e amegago goba ka mmušong yeo e ratago go ganetša go fiwa ga taelo ye e nyakwago ka go kgopelo ye bjalo, e tla tsebiša Rejistrara ka go ngwala gareng ga matšatši a 15 a go dirwa ga kgopelo yeo ya maikemišetšo a go ganetša gomme e tla re mo tsebišong, ya bea atrese yeo phathi ye bjalo goba mmušo o tlogo amogela tsebišo le go tlišwa ga ditokumente ka ditshepedišong.
b Ge tsebišo ye bjalo e filwe, kgopelo e tla šongwa go ya ka dipeakanyetšo tša molao wa 11.
Ge tsebišo ya go ganetša e se ya tšweletšwa go ya ka molawana wa 5, gona taba yeo e tla šongwa go ya ka ditaelo tše di filwego ke Moahlodimogolo, tšeo di kago akaretša -
a kgoeletšo ya tshedimošotlaleletšo yeo Moahlodimogolo a kago bona e nyakega goba e lebanego go šomana le taba ye; le b gore diphathi tša dipolitiki ka moka tše di nago le kgahlego ka go Palamente ya setšhaba goba ka go Theramelao ya Profense ye e amegago, go ya ka mo mabaka a ka bago ka gona, tše di ratago go dira bjalo di dire ditlhagišo tše di ngwadilwego tše di lebanego tsinkelo ya taba ye gareng ga paka yeo e beilwego ka go taelo ye bjalo.
Tiišetšo ya taelo yeo e se nago le maatla Molaotheong
Rejistrara wa kgorotsheko yeo e dirilego taelo yeo e se nago maatla molaotheong, go ya ka mo go akantšwego ka go karolo 172 ya Molaotheo, gareng ga matšatši a 15 a taelo yeo, o tla tšweletša go Rejistrara wa Kgorotsheko kopi ya taelo ye bjalo.
Motho goba mokgatlo wa mmušo wo o nago le tshwanelo ya go dira bjalo gomme o nyaka go dira boipiletšo kgahlano le taelo ye bjalo, go ya ka dipeelano tša karolo 172 2 d ya Molaotheo o tla re gareng ga matšatši a 15 a taelo ye bjalo wa tšweletša tsebišo ya boipiletšo go Rejistrara gomme kopi ya gona ya išwa go kgorotsheko yeo e dirilego taelo, mme morago ga moo taba ye e tla šongwa go ya ka ditaelo tše di filwego ke Moahlodimogolo.
Moipiletši o tla re mo tsebišong ye bjalo ya boipiletšo a beakanya ka nepagalo mabaka ao a tlišago boipiletšo, a laetša gore ke dikhwetšo dife tša dintlha le/goba tša molao tšeo a gananago natšo le taelo yeo go pakwago gore e be e swanetše e dirilwe.
Motho goba mokgatlo wa mmušo wo o nago le tshwanelo ya go dira bjalo, gomme o nyakago go kgopela tiišetšo ya taelo go ya ka dipeelano tša karolo 1722 d ya Molaotheo, gareng ga matšatši a 15 a go dirwa ga taelo yeo, o tla tšweletša kgopelo mabapi le tiišetšo yeo go Rejistrara gomme kopi ya yona e tla tšweletšwa go Rejistrara ya kgorotsheko yeo e dirilego taelo yeo, mme morago ga moo taba ye e tla šongwa go ya ka ditaelo tša Moahlodimogolo.
Ge go se na le tsebišo goba kgopelo go ya ka mo go akantšwego ka go melawana ya 2 le 4, ka tatelano, ye e tšweleditšwego gareng ga nako ye e beilwego, taba ya tiišetšo ya taelo yeo e se nago maatla e tla šongwa go ya ka ditaelo tše di filwego ke Moahlodimogolo.
Kamogelo ya molaotheo wa profense
Spikara sa Theramelao ya Profense yeo e beilwego goba e fetošitšego molaotheo go ya ka dipeelano tša dikarolo 142 le 1442 tša Molaotheo gomme a nyakago gore molaotheo goba phetošo ya molaotheo e amogelwe ke Kgorotsheko e tla tiišetša ka go nngwala dikagare tša molaotheo goba phetošo ye e beilwego ke theramelao ya profense gomme ya hlagiša molaotheo wo bjalo goba phetošo ya molaotheo go Rejistrara ka kgopelo ya semmušo go Kgorotsheko go phethagatša mohola wa yona go ya ka karolo ya 144 ya Molaotheo.
Setifikeiti se se akantšwego ka go molawana wa 1 se tla akaretša pego ye e šupago gore molaotheo goba phetošo ya molaotheo e fetišitšwe ka bontši bjo bo lebanego.
Diphathi ka moka tša dipolitiki tše di emetšwego ka go theramelao ya profense di tla ba le tshwanelo ka tokelo ya go tšweletša lebaka la molomo go Kgorotsheko, ge fela phathi ye bjalo ya dipolitiki go ka nyakega gore e hlagiše tlhagišo ye e ngwadilwego ka go Kgorotsheko pele ga lebaka la molomo.
Ge go seno amogelwa kgopelo yeo e ukangwego ka go molawana wa 1, gona taba yeo e tla šongwa go ya ka ditaelo tše di filwego ke Moahlodimogolo, tšeo di ka akaretšago -
a phetišetšeo go Spikara ga tshedimošotlaleletšo yeo Moahlodimogolo a bonago e nyakega goba e lebane go šomana le taba ye.
b taelo yeo e šupago nako yeo ka go yona tlhagišo ye e ngwadilwego go tšwa go diphathi tše di nago le kgahlego e tla dirwa;
c taelo ya gore tlhagišo efe le efe ye e ngwadilwego yeo e dirilwego go ya ka dipeelano tša temana b e swanetše go lemošwa diphathi tše dingwe tša dipolitiki ka go theramelao ya profense ka ditsela tšeo Moahlodimogolo a ka bonago di lebane.
Taelo ya Kgorotsheko ye e sepelelanago le karolo ya 144 ya Molaotheo e ka šupa dipeakanyetšo tša molaotheo wa profense goba phetošo ya molaotheo, ge e le gona, yeo e nyalelanago le ye e sa nyalelanego le Molaotheo.
KAROLO VIII
Kgopelo ya phihlelelotebanyi bjalo ka ge go akantšwe ka go karolo 167 6a ya Molaotheo e tla tlišwa mo go tsebišo ya tšhišinyo, yeo e tlogo thekgwa ke afidabiti, yeo e tlogo tšweletša dintlha tšeo kgopelo ya kimollo e ithekgilego ka tšona.
Kgopelo efe le efe go ya ka molawana wa 1, e tla tšweletšwa go Rejistrara gomme ya fiwa diphathi ka moka tše di nago le kgahlego ye e lebanego goba ye e bonalago ka go kimollo yeo e kleimilwego bjalo ka ge go adilwe -
a mabaka ao godimo ga ona e kgolwago gore ke ka kgahlego ya toka gore taelo ya phihlelelotebanyi e fiwe;
b Mohuta wa kimollo wo o nyakwago le mabaka ao kimollo ye bjalo e thekgilwego godimo ga ona;
c ge e le gore taba yeo e ka šongwa ke Kgorotsheko ka ntle le theeletšo ya bohlatse bja molomo le, ge e ka se kgonege.
d Le ka moo bohlatse bo ka tšweletšwago gomme thulano ya ditaba e rarollwe.
Motho yo mongwe le yo mongwe goba phathi ye e ratago go ganetša kgopelo e tla re mo gareng ga matšatši a 10 morago ga go tšweletšwa ga kgopelo yeo, ya tsebiša mokgopedi le Rejistrara ka go ngwala mabapi le maikemišetšo a yona a go ganetša kgopelo yeo.
Morago ga tsebišo yeo ya maikemišetšo a go ganetša e seno amogelwa ke Rejistrara goba moo nako ya go tšweletša tsebišo ye bjalo e fetilego, taba ye e tla šongwa go ya ka ditaelo tše di filwego ke Moahlodimogolo, tšeo di ka nogo akaretša -
a taelo yeo e dirago boipiletšo go moiphemedi go dira tlhagišo ye e ngwadilwego go Kgorotsheko gareng ga nako yeo e beilwego ge e le gore, goba ge e se gore phihlelelotebanyi e swanetše go fiwa; goba b taelo ye e laetšago go se be le tlhagišo ye e ngwadilwego goba afidabiti ye e swanetšego go faelwa.
Dikgopelo tša phihlelelotebanyi di ka no šongwa ka tsela ya kakaretšo, ka ntle le go theeletša lebaka la molomo goba la go ngwalwa go feta leo le filwego ka go kgopelo ka boyona: Ge fela e le gore moo moiphemedi a laeditšego maikemišetšo a gagwe a go ganetša go ya ka dipeelano tša molawana wa 3. Kgopelo ya phihlelelotebanyi e tla fiwa fela morago ga ge dipeakanyetšo tša molawana wa 4 a di latetšwe.
Maipiletšo
Tshepedišo yeo e beakantšwego ka go molao wo e tla latelwa mo kgopelong ya go hwetša tumelelo ya go dira boipiletšo go Kgorotsheko moo sephetho mabapi le taba ya molaotheo, go ena le taelo ya go se šome molaotheong ka tlase ga karoilo 1722a ya Molaotheo, e filwe ke kgorotsheko efe le efe, go akaretšwa le Kgorokgolo ya Tsheko ya Boipiletšo, gomme go sa šetšwe ge e le gore Mopresidente o ganne go fa tumelelo goba tumelelo yeo e sego ya mehleng ya go dira boipiletšo.
Ramelato yoo a hlokofaditšwego ke sephetho sa kgorotsheko gomme a fišegela go dira boipiletšo kgahlano le sona ka go lebantšha Kgorotsheko mo tabeng ya molaotheo o tla re, gareng ga matšatši a 15 a taelo yeo a dirago boipiletšo kgahlano le yona, gomme morago ga go tsebiša phathi yela ye nngwe goba diphathi tše di amegago, a tšweletša kgopelo go Rejistrara ya tumelelo ya go ipiletša. Ge e se fela moo Mopresidente wa Kgorokgolo ya Tsheko ya Boipiletšo e gannego boipiletšo bjoo, paka ye e beilwego mo molaong wo e tla šoma go tloga go tšatšikgwedi leo taelo e gannego tumelelo ya go dira boipiletšso.
Kgopelo yeo e ukangwego ka go molawana wa 2 e tla saenwa ke mokgopedi goba moemedi wa gagwe wa semolao gomme e tla ba le -
a sephetho seo boipiletšo bo tlišitšwego kgahlano le sona le mabaka ao sephetho se ganwago ka ona.
b Pego ye e tšweletšago ka nepagalo le gona ka boripana taba ya molaotheo ye e tšweletšwago ka go sephetho, le ditaba dife le dife tše dingwe tšeo go pakwago gore di tlemagane le sephetho godimo ga taba ya molaotheo.
c Tshedimošotlaleletšo ye bjalo, goba lebaka leo mokgopedi a bonago le nyakega go le tšweletša šeding ya Kgorotsheko; le d Pego yeo e laetšago ge e le gore mokgopedi o kgopetše goba o ikemišeditše go kgopela tumelelo goba tumelelo ye e sego ya mehleng go dira boipiletšo go kgorotsheko efe le efe, gomme ge go le bjalo:
i kgorotsheko efe;
ii ge e le gore kgopelo ye bjalo ke ya sebakana ya ge kgopelo go Kgorotsheko e gannwe; le iii dipoelo tša kgopelo ye bjalo, ge e le gore di tla be di tsebja nakong ya go dira kgopelo go Kgorotsheko.
a Gareng ga matšatši a 10 go tloga tšatšikgweding leo kgopelo ye e ukangwego ka go molawana wa 2 e hlagišitšwego, moiphemedi goba baiphemedi ba ka no dira boikarabelo ka go ngwala, ba laetša ge e le gore goba ge e se gore kgopelo ya tumelelo ya go ipiletša e amogetšwe gomme ge go se bjalo, mabaka a kganetšo ye bjalo.
b Dipeakanyetšo tša melao yekhwi mabapi le maipiletšo di tla šoma, ka diphetošo tše di nyakegago, go maipiletšoputlanyi.
a Kgorotsheko e tla tšea sephetho sa go fa goba sa go ganetša mokgopedi tumelelo ya go ipiletša.
b Dikgopelo tša tumelelo ya go ipiletša di ka no šongwa ka kakaretšo, ka ntle le go amogela lebaka la molomo goba la go ngwalwa, ge e se fela leo le lego ka go kgopelo ka noši.
Kgorotsheko e ka no laela gore kgopelo ya tumelelo ya go ipiletša e beelwe go sekasekwa gomme ya laela gore lebaka le le ngwadilwego la diphathi le se amane fela le potšišo ya gore a na kgopelo ya tumelelo ya boipiletšo e swanetše go fiwa, eupša gammogo le ditshwanelo tša kganano. Dipeakanyetšo tša molao 20, ka di phetošo tše di nyakegago, di tla šoma mo go tshepedišo ye e tlogo latelwa mo ditshepedišong tšekhwi.
Tshepedišo ka ga boipiletšo
1 Ge tumelelo ya go dira boipiletšo e filwe go ya ka dipeelano tša molao wa 19, mokgopedi o tla ela hloko gomme a tšhotšhisa boipiletšo ka tsela ye e latelago:
a Moipiletši o tla lokiša le go hlagiša rekoto ya boipiletšo go Rejistrara gareng ga nako yeo e ka nogo bewa ke Moahlodimogolo ditaelong tša gagwe.
b Ka taolo ya dipeakanyetšo tša molawana wa 1 ka mo fase, rekoto ya boipiletšo e tla bopša ke kahlolo ya kgorotsheko yeo boipiletšo bo dirilwego go yona, gammogo le ditokumente ka moka tše di hlagišitšwego ke diphathi mo kgorotshekong yeo le bohlatse ka moka bjo bo ka nogo ba bo ile bja tšweletšwa mo ditshepedišong gomme bo kago ba le maswanedi mo ditabeng tšeo di tlogo senkwa.
c i Diphathi di tla leka go fihlelela kwano mabapi le seo se swanetšego go tsentšhwa ka rekotong gomme ge go se kwano ye bjalo, mokgopedi o tla kgopela Moahlodimogolo go fa ditaelo mabapi le go hlamiwa ga rekoto.
ii Kgopelo ye bjalo e tla ngwalwa gomme ya tšweletša mohuta wa phapano gare ga diphathi mabapi le go hlamiwa ga rekoto le mabaka a dikgopolo tša mokgopedi.
iii Moiphemedi a ka no ikarabela go kgopelo gareng ga matšatši a 10 ge a se no fiwa kgopelo gomme o tla tšweletša mabaka a amago dikgopolo tša moiphemedi.
iv Moahlodimogolo a ka no gafela kgopelo ye go moahlodi o tee goba baahlodi ba go feta moo, bao ba tlogo šomana le taba ye e lego dipampiring goba ba nyaka gore diphathi di tšwelele pele ga gagwe goba ga bona letšatššing le le beilwego le nakong ye e beilwego go sekaseka tlhamo ya rekoto.
v Moahlodi goba baahlodi ba ba amegago ba tla fa ditaelo mabapi le go halmiwa ga rekoto, le nako yeo gare ga yona rekoto e swanetšego go tšweletšwa go Registrara le ditaba dife le dife tše dingwe tšeo di ka bonwago ke yena gore di a nyakega go dira gore kgorotsheko e kgone go šomana le boipiletšo, gomme ditaelo tšeo di ka akaretša gore taba yeo e bušetšwe morago go kgorotsheko gore go yo theeletšwa bohlatsetlaleletšo bjo bo šupilwego ka go ditaelo, goba le gore bohlatsetlalaletšo bo tšweletšwe pele ga Kgorotsheko ka tsela ya afidabiti goba ka tsela ye nngwe ye e amanago le boipiletšo.
a Ye nngwe ya direkoto tše di tšweleditšwego go Rejistrara di hlatselwa gore di nepagetše ke Rejistrara go tšwa go kgorotsheko yeo boipiletšo bo dirilwego go yona.
b Dikopi tša rekoto di tla tlanywa ka tshwanelo mo pampiring ye koto ya bogolo bja A4, ka dikgobanapedi ka enke ye ntsho ya direkoto ka lehlakoreng le tee fela la pampiri;
Ditokumente tša go balega tšeo di bego di tlantšwe goba di gatišitšwe sebopegong sa tšona sa mathomo bjalo ka ditšheke le tše dingwe, di ka se tlanywe gape gomme go tla fiwa fela difotokopi tše di bonalago pampiring ya bogolo bja A4.
d Matlakala a tla nomorwa ka tshwanelo le gona ka tatelano gomme mothaladi wo mongwe le wo mongwe wa lesome letlakaleng le lengwe le le lengwe le tla fiwa nomoro gomme dinomoro tše di šomišwago ke kgorotsheko yeo di tšwago go yona di tla dirišwa moo go kgonegago.
e Direkoto tše koto di tla arolwa ka dibolume tše di swaregago tša matlakala a e ka bago 100 ye nngwe le ye nngwe. Rekoto e tla tlengwa ka tshwanelo ka fomate ya puku gore e tle e kgone go swarelela ge e šomišwa kgafetšakgafetša gomme e tla tlengwa ka tsela ye e lego gore ge e dirišwa e tla bulega gabonolo ka ntle le bothata.
f Direkoto ka moka di tla tlengwa ka go tia ka dikhabara tšeo di laetšago nomoro ya molato, maina a diphathi, nomoro ya bolume le dinomoro tša matlakala tše di lego ka bolumung yeo, palomoka ya dibolume, le kgorotsheko mo e tšwago le maina a boramolao ba diphathi.
g Tlamo ye e nyakwago ke molao wo e tla ba ye e tiilego go kgonthiša go swarelela ga dipampiri tše di lego ka gare ga bolume gomme moo direkoto di bopilwego ka dibolume tša go feta e tee, palo ya bolume ye nngwe le ye nngwe le palo ya matlakala a a lego ka bolumung karolong ya teetharong ya mokokotlo wa bolume.
h Moo ditokumente di hlagišwago go Rejistrara, gomme direkoto tše bjalo di rekotilwe ka disking ya khomphutha, phathi yeo e hlagišago tokumente, moo go kgonegago, e tla dira gore kopi ya diski ye e nago le faele yeo e nago le tokumente e hwetšagale go Rejistrara, goba e romele kopi ya elektroniki ya tokumente ye e amegago ka e-mail ka fomate yeo e beilwego ke Rejistrara gomme e nyalelanango le ditlabelo tšeo di dirišwago ke Kgorotsheko nakong ya tlhagišo, go Rejistrara mo [go: registrar@concourt.org.za]; Ge fela thomelo ya kopi ye bjalo e ka se imolle phathi ye e amgegago mo tlamegong ya yona ka tlase ga molao wa 13 go tšweletša palo ye e beilwego ya dikopi tša tokumente ye e tšweleditšwego.
i Ge diski e filwe Rejistrara faele yeo e tla kopišwa gomme diski ya bušetšwa go phathi yeo e amegago. Moo diski goba kopi ya elektroniki ya tokumente e filwe, go e na le rekoto, gona phathi e ka tšweletša fela dikopi tše 13 tša tokumente yeo go Rejistrara.
Ge rekoto e hlagišitšwe go ya ka dipeakanyetšo tša temana ya b le c ya molawana wa 1, Rejistrara o tla dira gore diphathi di fiwe tsebišo ya boipiletšo ye e nyakago –
a gore Moipiletši a hlagiše go Rejistrara lebaka le le ngwadilwego go thekga boipiletšo bja gagwe gareng ga paka ye e beilwego ke Moahlodimogolo gomme e laeditšwego ka go tsebišo yeo.
b Moiphemedi a hlagiše go Rejistrara lebaka le le ngwadilwego ge a fetola lebaka la moipiletši ka tšatšikgwedi le le beilwego ke Moahlodimogolo, leo le tlogo latela tšatšikgwedi le lebaka la moipiletši le le filwego moiphemedi.
Moipiletši a ka no hlagiša go Rejistrara lebaka le le ngwadilwego ge a fetola lebaka la moiphemedi gareng ga matšatši a 10 go tloga go tšatšikgwedi leo lebaka la moiphemedi le filwego moipiletši.
Moahlodimogolo o tla tšea sephetho mabapi le gore a na boipiletšo bo ka šongwa godimo ga lebaka le le ngwadilwego fela.
Ka taolo ya dipeakanyetšo tša molawana 5, Moahlodimogolo o tla bea tšatšikgwedi leo lebaka la molomo le tlogo theeletšwa, gomme Rejistrara mo matšatšing a mahlano a go bewa ga lona, o tla tsebiša diphathi tša boipiletšo tšatšikgwedi la theeletšo ka poso ye e rejistarilwego goba ka fekse.
Ge kgopelo ya tiišetšo ya go se šome molaotheong ga taelo goba tsebišo ya boipiletšo kgahlano le taelo ye bjalo e hlagišwa go Rejistrara go ya ka dipeelano tša molao wa 16, goba kgopelo ya tumelelo ya go dira boipiletšo e tšweletšwa go ya ka dipeelano tša molao wa 19, mokgopedi goba moipiletši nakong yeo o tla fa Rejistrara lengwalo le le-
a laetšago botelele bja rekoto goba ge rekoto e bopilwe ka bohlatse bjo sa ngwalollwago, kakanyetšo ya botelele bja rekoto le nako ye e nyakegago ya ngwalollo;
b laetšago ge e le gore go na le mabaka a a kgethegilego ao a tlogo nyaka theeletšo ya go feta letšatši le tee goba ao a kago ba bohlokwa mabapi le ditaelo tše di tlogo fiwa ke Moahlodimogolo.
KAROLO IX
DITEFO LE DITSHENYEGELO
Melao ya 17 le 18 ya Kgorokgolo ya Tsheko ya Boipiletšo mabapi le tšhedišo le ditefo tša ramolao di tla šoma, ka diphetošo tšeo di ka nogo nyakega.
Mo lebakeng la lebaka la molomo le la go ngwalwa, tefo ya lebaka le le ngwadilwego, mo mabakeng a a swanetšego, e ka dumelelwa bjalo ka hlogwana e šele.
Ditefo tša Kgorotsheko
Godimo ga ditefo tša Kgorotsheko tše di beilwego mo melaong yekhwi ditefo tše di lego ka go Šetulo 2 di tla ba ditefo tšsa kgorotsheko tše di lefiwago ka ditempe tša ditseno.
Ka taolo ya molao wa 44 le dipeakanyetšo tša molao wa 45 di tla šoma, ka diphetošo tšeo di ka nogo nyakega.
KAROLO X
DIPEAKANYETŠO TŠA KAKARETŠO
Bokgobapuku
Bokgobapuku bja Kgorotsheko bo tla bulwa gore bo dirišwe ke baahlodi, stafo sa kgorotsheko le batho ba bangwe ba ba filwego tumelelo ke rabokgobapuku ka nepo ya go dira diphatišišo ka ga molaotheo.
Bokgobapuku bo tla bulwa ka dinako tšeo e lego gore dihlokwa tše di kwalago tša kgorotsheko di nyakago, gomme tshepedišo ya bjona e tla laolwa ke melao yeo e dirilwego ke Komiti ya Bokgobapuku ya Kgorotsheko ka tšhomišano le Moahlodimogolo.
Diphetolelo
Moo rekoto efe le efe goba tokumente ye e filwego Rejistrara e nago le didirišwa tše di ngwadilwego ka leleme la semmušo leo le sa kwešišwego ke baahlodi ka moka, gona Rejistrara o tla dira gore dikarolo tša rekoto ye bjalo goba tokumente ye e amegago di fetolelwe ke mofetoledi yo a enišitšwego wa Kgorokgolo ya Tsheko ka go polelo goba dipolelo tšeo di tlogo kwešišwa ke baahlodi ba ba bjalo, gomme o tla abela diphathi kopi ya diphetolelo tše bjalo.
Mebotlolo, dithalwa le dibontšhwa tša didirišwa tše di bopago karolo ya bohlatse bjo bo tšerwego molatong gomme tša tlišwa kgorong ya tsheko gore di lekolwe di tla bewa ka fase ga taolo ya Rejistrara, bonnyane matšatši a 10 pele ga ge molato o tla sekkwa goba o tsena.
Mebotlo ka moka, dithalwea le dibontšhwa tša didirišwa tše di beilwego ka fase ga taolo ya Rejistrara di tla tlošwa ke diphathi gareng ga matšatši a 40 morago ga ge molato o sekilwe.
Phumolo ya melato
Ge diphathi ka moka, legatong lefe le le lefe la ditshepedišo, di tšweletša go Rejistrara kwano ye e ngwadilwego ya gore molato o phumolwe, ba šupa dipeelano tše di amanago le tefo ya ditshenyegelo le tefo go Rejistrara, ya ditefo dife le dife tše di ka bago gona, Rejistrara, ge Moahlodimogolo a laela, o tla ngwala phumolo ya molato gomme morago ga moo Kgorotsheko e ka se sa tlengwa ke molato woo.
Tokumente ye nngwe le ye nngwe ye e fetago matlakala a 15, go sa šetšwe mokgwa wa go e gatiša, e tla ba le lenaneo la dikagare ka ditšhupetšo tše maleba.
Tokumente ye nngwe le ye nngwe ka pele ga yona e tla ba le leina la phathi goba ramolao wa gagwe, diatrese tša madulo le tša poso, dinomoro tša fekse le thelefomo le atrese ya e-mail, moo di lego gona, gomme tokumente ya mathomo e tlo saenwa ke phathi goba ramolao wa gagwe.
a Rejistrara a ka se ke a amogela go boloka tokumente efe le efe yeo e sego ya hlagišwa ka sebopego seo se nyalelanagop le melao yekhwi, eupša o tla e romela go phathi yeo e amegago a laetša mahlakore ao a sa kgotsofatšego dinyakwa: Ge fela e le gore dikopi tše difsa tša di nepagetšego tša tokumente yeo di hlagišwa gape gareng ga matšatši a mahlano ge a se no amogela tsebišo, gona tlhagišo ye bjalo go tla tšewa gore ga se ya šalela.
b Ge Kgorotsheko e ka hwetša gore dipeakanyetšo tša melao yekhwi di obametšwe, e ka no bea, kgopolong ya yona, dikotlo tše di lebanego.
Tšhomišo ya melao ye itšego ya Melaotshwano
Melao ye e latelago ya Melaotshwano, ka diphetošo tše di ka nogo nyakega, e tla šoma mo go ditshepedišo ka go Kgorotsheko:
Molao wa No. Taba
go fihla go 6 Sekopantšhi sa diphathi ka kgopelo le ditaba tše di tswalanego
Diphetošo go maipiletšo le ditokumente
Khwetšo, tlhahlobo le tšweletšo ya ditokumente
go fihla go38 Go hwetša bohlatse bja tshekišo
Phapano le phumolo ya ditaelo
Tlhathollo ya bohlatse
Go tlatša, tokišetšo le tlhahlobo ya ditokumente.
Netefatšo ya ditokumente tšeo di phethagaditšwego ka ntle ga Repabliki gore di dirišwe ka gare ga Repabliki.
Tshenyo ya ditokumente
Baeniši
Tšhomišo ya dikarolo tše dingwe tša Molao wa Kgorokgolo ya Tsheko, 1959 (Molao wa 59 wa 1959)
Dikarolo tše di latelago tša Molao wa Kgorokgolo ya Tsheko wa 1959, (Molao wa 59 wa 1959), di tla šoma, ka diphetošo tšeo go bonwago di nyakega, go ditshepedišo tša, le ka morago ga Kgorotsheko, bjalo ka ge nke ke melao ya kgorotsheko ya tšona.
Karolo Taba bis Tšhupetšo ya ditaba tše itšego tša nyakišišo ya molamodi
Maatla a kgorotsheko mo theeletšong ya maipiletšo
Ditlhahlobo ka dipotšišišo tša batho bao bohlatse bja bona bo nyakegago ka go melao ye e sego ya bosenyi
Mokgwa wa go šomana le dikgopelo tša dikhomišene, mangwalo a dikgopelo le ditokumente mo tirelong ye e hlolegilego dinageng di šele. Peakanyetšo yekhwi e tla šoma ka taolo ya go bewa madulong a Seisimane goba Seafrikaanse, sekafoko sekhwi "leleme lefe le lefe la semmušo."
Ditokumente tše di tšweleditšwego go nyakišiša didirišwa tša nnete
Phathi efe le efe go ditshepedišo tše di lego pele ga Kgorotsheko le mogwera wa kgorotsheko yo a amogetšwego gabotse ke Kgorotsheko ka go ditshepedišo dife le dife, o tla ba le tshwanelo, go ditokumente tšeo di tšweleditšwego go Rejistrara go ya ka dipeelano tša melao ye, go nyakišiša didirišwa tša nnete tše di lebanego le tsinkelo ya ditaba tše di lego pele ga Kgorotsheko gomme di sa tšwelelego thwii mo rekoteng: Ge fela dintlha tše bjalo –
a e le dihlodi tša kakaretšo goba goba di se na le manganga; goba b e le tša mohuta wa semmušo, saense, theknikale goba dipalopalo gomme go le bonolo go di netefatša.
Diphathi tše dingwe ka moka di tla ba le tshwanelo, ka gare ga nako yeo e dumeletšwego ke melao yekhwi go ikarabela go tokumente ye bjalo, go ineela, go gana, nganga goba go hlalosa dintlha tše bjalo bogolo bjoo bo nyakegago gomme di lebane le go tšea sephetho ka tshwanelo ga Kgorotsheko.
Go se obamele melao
Kgorotsheko goba Moahlodimogolo a ka:
ka boithaupo bja bona goba ka kgopelo le lebakeng le le kwalago, a ka oketša goba a fokotša paka ya nako efe le efe ye e beilwego ka melaong yekhwi gomme a ka hlokomologa go se obamele melao yekhwi; gomme a fa ditaelo tšeo mo ditabeng tša tirišo, tshepedišo le go šongwa ga boipiletšo bofe le bofe, kgopelo goba taba ye nngwe yeo Kgorotsheko goba Moahlodimogolo a ka bonago e lokile ebile e nepagetše.
Phethagatšo : Karolo 3 ya Molaotlaleletšo wa Kgorotsheko ya Molaotheo, 1995 (Molao wa 13 wa 1995)
Ditaelo tša ditshenyegelo tša Kgorotsheko di tla phethagatšwa ka go kgorotsheko ya masetrata ka tsela ye e latelago:
Taelo ya ditshenyegelo e tla phethagatšwa mo go kahlolo ya segae ya kgorotsheko ya masetrata gomme phathi yeo taelo ya ditshenyegelo e dirilwego kholong ya yona, e tla tšewa bjalo ka kahlolo ya monyakatshenyegelo gomme phathi yeo taelo ye bjalo e dirilwego kgahlano le yona, e tla bitšwa kahlolo ya mokoloti.
Phathi yeo taelo ya ditshenyegelo e dirilwego go e hola, moo taelo ya ditshenyegelo e sego ya obamelwa, o tla faela afidabiti le Rejistrara a tšweletša ditaba ka botlalo tša taelo ya ditshenyegelo gomme a laetša gore taelo ya ditshenyegelo ga se ya obamelwa goba ga se ya sekegelwa ka botlalo, go ya ka moo mabaka a ka bago ka gona, le seroto seo se sa šetšego, gomme o tla kgopela Rejistrara gore a mo fe kopi yeo e hlatsetšwego ya taelo ye bjalo ya ditshenyegelo.
Rejistrara morago ga go hlahloba faele ya kgorotsheko ye e amegago go kgonthiša dikagare tša afidabiti, a fa phathi ye e ukangwego ka go molawana wa kopi ye e hlatsetšwego ya taelo ya ditshenyegelo ye e amegago, gomme o tla rekota tšweletšo ye bjalo ka go faele ya Kgorotsheko.
Phathi ye e ukangwego ka go molawana wa 2, e tla faela kopi ye e boletšwego le klereke ya kgorotsheko ya segae ya selete seo a dulago ka go sona, a šomago goba a thwetšwego go sona.
Taelo ye bjalo e tla phethagatšwa go ya ka dipeakanyetšo tša Molao wa Kgorotsheko ya Masetrata, 1944 Molao wa 32 wa 1944, le Melao ya Dikgorotsheko tša Masetrata ye e phatlaladitšwego ka tlase ga Tsebišo R. 1108 ya 21 June 1968, go ya ka mo e fetotšwego, mabapi le ditaelo tša phethagatšo kgahlano le dithoto tše di šutago le tše di sa šutego le go tšweletšwa ga ditaelo tša go tlemaganya moputso le ditaelo tša go thibela tefo ya dikoloto fela.
Dipeakanyetšo tša phetišo
Ge nako e beetšwe lebaka lefe le lefe go ya ka dipeelano tša melao yekhwi, gomme nako ye bjalo e bego e swanetše e thomile go šoma pele ga go thoma ga melao yekhwi, nako yeo e tla thoma go šoma fela mo tšatšikgweding leo melao yekhwi e thomago go šoma ka lona.
Phedišo ya melao
Melao ya Kgorotsheoko ya Molaotheo ye e phatladitšwego pejana, e tlo fedišwa mo tšatšikgweding leo melao yekhwi e tlogo thoma go šoma: Ge fela go le taelo ye e ngwadilwego ya go amana le tshepedišo ye e swanetšego go latelwa mo go senkweng ga ngangišano goba taba ye e lego ka melatong yeo e šetšego e begilwe, e tla dula e šoma ge e se ge e fedišitšwe ka go ngwala ke Moahlodimoglo.
Thulano gare ga dingwalwa
Mathomong melao yekhwi e be e thalathadilwe ka Seisimane gomme morago ya fetolelwa go maleme ka moka a semmušo. Ka lebaka leo, ge go ka ba le thulano, gona sengwalwa sa Seisimane e tla ba sona se amogelwago.
Thaetlele ye kopana
Melao yekhwi e tla bitšwa Melao ya Kgorotsheko ya Molaotheo, 2003
Foromo No.
Tsebišo ya tšhišinyo (go Rejistrara)
Tsebišo ya tšhišinyo (go Rejistrara le Moiphemedi)
FOROMO 1
TSEBIŠO YA TšHIŠINYO
KA GO KGOROTSHEKO YA MOLAOTHEO YA AFRIKA-BORWA
No. ya Molato:……..…….
Mo tabeng ya:
Tseba gore mokgopedi wa ka godimo o kgopela Kgorotsheko taelo go ya ka dipeelano tše di latelago:
Le gore afidabiti ya …………………… ye e kgomagantšwego mokhwi, e tla dirišetšwa go thekga kgopelo.
Hle hlagiša taba ye pele ga Moahlodimogolo gore e šongwe go ya ka dipeelano tša molao wa 11
Tšatšikgwedifaditšwe mo …………… tšatšing le la ………….. la…….……… 20……
Mokgopedi goba ramolao
Go Rejistrara wa Kgorotsheko ye e boletšwego ka godimo.
FOROMO 2
TSEBIŠO YA TŠHIŠINYO
KA GO KGOROTSHEKO YA MOLAOTHEO YA AFRIKA-BORWA
No. ya Molato. …………………..
Mo go taba gare ga :
... (Mokgopedi)
le
... (Moiphemedi)
Tseba gore …………………….(ka morago o tlo bitšwa mokgopedi) o ikemišeditše go dira kgopelo go Kgorotsheko yekhwi ya taelo (a) ……………. (b)……………. (c) ……………..
mokhwi tšweletša mohuta wa taelo ye e nyakwago le gore afidabiti ye e patagantšwego ya ………………… e tla dirišetšwa go thekga kgopelo.
Tseba gape gore mokgopedi o beile…………………….. (mokhwi bea atrese) bjalo ka atrese yeo a kago amogela tsebišo le kabo ya tshepetšo ye ka moka ka go ditshepedišo tše.
Tseba gape gore ge o ikemišeditše go ganetša kgopelo ye, o lebeletšwe gore (a) o tsebiše ramolao wa mokgopedi ka go ngwala ka la goba pele ga la-----------------
tšatšikgwedi le b gareng ga matšatši a 15 morago ga ge o seno fa tsebišo ya maikemišetšo a gago a go ganetša kgopelo go faela afidabiti ya gago ya karabo, ge e le gona, go feta moo go lebeletšwe gore o bee atrese mo tsebišong yeo go yona o tlogo amogela.tsebišo le kabo ya ditokumente ka moka ka go ditshepedišo tšekhwi.
Ge go se tsebišo ya maikemišetšo a go ganetša kgopelo ye, mokgopedi o tla kgopela Rejistrara go hlagiša taba ye pele ga Moahlodimogolo gore e šongwe go ya ka dipeelano tša Molao wa 11 .
Tšatšikgwedifaditšwe mo …………… tšatšing le la ………… la …………. 20 ……….
Mokgopedi goba ramolao
Go ……………………………………..
Atrese
Rejistrara wa Kgorotsheko ya ka godimo
DITEFO
Tšweletšo ya kgopelo efe le efe ( go ena le tokumente ya pele) 10,00
Tšweletšo ya afidabiti ya karabo ( ka e tee) 10.00
Tšweletšo ya tsebišo ya boipiletšo goba boipiletšoputlanyi 15,00
Ya setifikeiti sa Rejistrara godimo ga dikopi tše di hlatsetšwego (ka e tee) 1,00
Tefo ya motšhelo tabeng efe le efe 25,00
